Barcelona po avancon ndaj Atletico Madridit në ndeshjen e kthimit çerekfinale të Ligës së Kampionëve pas pjesës së parë.
Pas 45 minutave të para në stadiumin “Wanda Metropolitano”, rezultati është 2:1 në favor të Barçës.
Barcelona e nisi furishëm dhe në minutën e katërt zhbllokoi rezultatin nëpërmjet Lamine Yamalit.
Ferran Torres dyfishoi epërsinë në 2:0 me golin e realizuar në minutën e 24-të, por pak minuta më vonë, Atletico u kundërpërgjigj.
Ademola Lookman realizoi pas asistimit të Antoine Griezmannit në minutën e 31-të. përpara se skuadrat të shkojnë në pushim me shifrat 2:1.
Bazuar në pjesën e parë, pjesa e dytë pritet të jetë edhe më interesante, me Barcelonën që synon përmbysjen.
Megjithatë, me rezultatin aktual, Atletico kalon në gjysmëfinale pasi javën e shkuar triumfoi 2:0 dhe rezultati i përgjithshëm është 3:2 për ekipin e Diego Simeones.
