Zemaj në emisionin “Info Nata” tha se pavarësisht se kriteret e Kosovës për liberalizim vizash tashmë janë plotësuar, Qeveria Kurti ka treguar një diplomaci të dobët.
Sipas tij, mosliberalizimi i vizave është padrejtësi ndaj Kosovës.
“Tash ka një vit e gjysmë që është kjo Qeveri dhe kemi pa një diplomci të dobët ose një diplomaci periferike ose fare nuk ka pasur insistim të flitet për liberalizimin e vizave. Duket që më shumë ka qenë një insistim që të krijohet një politikë subjektive që këta ashtu siç kanë ardhur në pushtet me populizëm dhe menduan që edhe viti i parë do të shkojë vetëm me pjesën populiste ta quaj që tashmë veç ka shkaktuar edhe shumë probleme si në aspektin ekonomik e social në Kosovë, kështu të komunikojnë edhe me faktorin ndërkombëtar. Kështu nuk mundesh të komunikosh me faktorin ndërkombëtar. Ti mund të mashtrosh një pjesë të qytetarëve të vendit ose t’i mbushësh me energji pozitive apo negative për struktura ose procese, por ata e shohin Kosovën ndryshe ata nuk e shohin Kosovën si individ por e shohin si tërësi, si shtet dhe në këtë kuptim ka mungur ky komunikim”, tha ai.
