Kryeministri spanjoll, Pedro Sanchez kritikoi të martën qeverinë izraelite për shkelje të ligjit ndërkombëtar mes tensioneve të vazhdueshme me Iranin.
“E drejta ndërkombëtare sot po shkelet në thelb nga një vend, që është qeveria e Izraelit”, tha Sanchez gjatë një konference për shtyp pasi zhvilloi një takim me Presidentin kinez Xi Jinping në Pekin, shkruan Anadolu.
Ai kujtoi se Spanja, që nga momenti i parë, e ka përshkruar luftën “të nisur në mënyrë të njëanshme” nga SHBA-të dhe Izraeli si një “gabim” dhe “paligjshmëri”.
Sanchez vuri në dukje se në momentet kur rendi ndërkombëtar “po vihet hapur në pikëpyetje”, bota duhet të kthehet te parimet dhe bazat.
“Sepse është nga aty që ndërtohet kjo e ardhme dhe prosperitet. Dhe kjo është arsyeja pse Spanja po është kaq e vendosur dhe kaq e zëshme në mbrojtjen e së drejtës ndërkombëtare”, shtoi ai.
