Real Madridi ka marrë një lajm të mirë në prag të ndeshjes së kthimit ndaj Bayern Munchenit në kuadër të çerekfinales të Ligës së Kampionëve.
Sulmuesi Kylian Mbappe do të jetë i gatshëm për lojë pasi është kthyer në stërvitje të hënën, me pjesën tjetër të ekipit.
Mbappe është stërvitur normalisht duke larguar dyshimet për gjendjen e tij fizike pas lëndimit që e pësoi në ndeshjen kampionale kundër Gironas.
Edhe pse kishte frikë se Mbappe mund të mungojë në Munchen, kthimi në stërvitje e konfirmon francezin titullar te Reali kundër Bayernit.
Përballja e kthimit mes dy gjigantëve të Evropës, luhet të mërkurën mbrëma në stadiumin “Allianz Arena”.
Ndeshja e parë çerekfinale, e luajtur javën e shkuar në stadiumin “Santiago Bernabeu” në Madrid, ka përfunduar me fitoren 2:1 të Bayernit.
