Kryetari i Partisë Demokratike të Kosovës, Bedri Hamza, ka shprehur ngushëllime për ndarjen nga jeta të ish-kongresistit amerikan Eliot Engel.
Në një reagim në Facebook, Hamza e ka cilësuar Engel si një mik të veçantë të Kosovës dhe një mbështetës të rëndësishëm në periudha kyçe historike për vendin.
Ai ka theksuar se Engel ka qenë zë i fuqishëm i drejtësisë në Shtetet e Bashkuara të Amerikës dhe se kontributi i tij në raport me Kosovën nuk do të harrohet.
Hamza i ka shprehur ngushëllime familjes së tij, duke e përmbyllur reagimin me fjalë mirënjohjeje për angazhimin e tij në mbështetje të Kosovës. /teve1.info/
