Xherdan Shaqiri po vazhdon me paraqitje të mira në Superligën e Zvicrës, me fanellën e skuadrës së Baselit.
Mesfushori është shpallur futbollisti më i mirë i xhiros së 32-të, në elitën e futbollit zviceran, të mërkurën.
Shaqiri ishte më i merituari që Baseli mori një pikë në ndeshjen kundër Young Boysit, e cila përfundoi me rezultatin 3:3.
Shaqiri, jo vetëm që shënoi një gol në këtë përballje por edhe bëri pasimet vendimtare në dy golat tjerë të Baselit.
Futbollistin më të mirë të xhiros, e shpall liga zvicerane me votat e shikuesve dhe Shaqiri ishte më i votuari për xhiron e 32-të.
34-vjeçari, i cili bartë shiritin e kapitenit ka shënuar 11 gola dhe ka bërë 10 asistime në 30 paraqitje deri më tani në kampionat, ndërsa Baseli renditet i katërti në tabelë me 53 pikë të tubuara.
