Izraeli dhe Shtetet e Bashkuara kryen një valë sulmesh ndaj Iranit të hënën, duke vrarë më shumë se 25 persona dhe duke goditur fushën e gazit natyror në Parsin Jugor, raporton Associated Press.
Midis të vrarëve në një nga sulmet ndaj Teheranit ishte edhe kreu i inteligjencës për Gardën Revolucionare paraushtarake të Iranit, Gjeneral Majid Khademi, sipas mediave shtetërore iraniane dhe ministrit të mbrojtjes të Izraelit.
Tre ndërtesa u shembën në një sulm në pjesën lindore të kryeqytetit, Teheran, dhe rreth 50 shtëpi u dëmtuan, sipas Agjencisë së Lajmeve Mehr.
Nuk është lëshuar asnjë deklaratë zyrtare mbi dëmet e shkaktuara nga sulmet, gjatë të cilave u aktivizuan sistemet e mbrojtjes ajrore.
Poashtu, Anadolu raporton se në sulmet e kryera në Teheran, Universiteti i Teknologjisë Sharif ishte shënjestruar.
