Por emërimi i dy prej tyre, Selim Bezeraj e Rifat Krasniqit, në këtë Këshill mori kritika të shumta.
Kjo pasi që Bezeraj është i akuzuar për plagjiaturë ndërsa Krasniqi është anëtar i Lëvizjes Vetëvendosje.
Për këtë Organizata për rritjen e Cilësisë po konsideron që këta dy anëtar nuk janë kredibil për të qenë pjesë e këtij organi drejtues në Universitetin e Prishtinës.
“Ky proces tërësisht i kriminalizuam ka ndodh në saj të një koalicioni të organizatave studentore që është e lidhur më Vetëvendosjen, që është SKV dhe një organizatës që ka një të kaluar kriminale që është Reforma Këto organizata më 7 vota të studentëve senatorë i kanë bërë të mundur më procesi më shku në këtë mënyrë të krimenalizume qysh ka shku. Në fund të procesit mu emërua dy persona të paktën dy se për tjerët jemi duke hulumtu, që janë Selim Bezera dhe Rifat Laitfi mu emërua në organin më të lart drejtues të Universitetit në të cilët nuk janë kredibil e aspak kompetent”, tha Dibran Hoxha nga ORCA.
Kritika për këto emërime ka edhe Rinor Qehaja nga Instituti Ed-Guard.
“Është e dukshme që këto emërime kanë interesa të ndryshme të grupeve të ndryshme brenda UP, do të thotë që ai pazarllëku është duke vazhduar”, tha Qehaja.
E rreth kësaj ka reaguar edhe partia në pushtet, Lëvizja Vetëvendosje.
Ky subjekt ka thënë se nuk qëndron prapa zgjedhjes së anëtarëve të KD të UP-së.
“Duam të njoftojmë opinionin publik se Lëvizja VETËVENDOSJE! as nuk ka si synim dhe as nuk bën përpjekje për të dirigjuar organizmat universitarë. E kundërta, ne “dirigjohemi” në plot fusha e çështje tonat nga mendimi universitar dhe profesorët e Universitetit të Prishtinës. Sigurisht nga çfarë pamë, niveli i përfaqësuesve në organin drejtues të Universitetit nuk përkon as me nivel të shumicës aty as me pritjet që i kanë të gjithë për Universitetin”, thuhet në qëndrimin e Vetëvendosjes në “Facebook”.
Përveç Bezerajt e Krasniqit, anëtar të Këshillit Drejtues të UP-së, janë emëruar edhe Azem Hajdari, Arian Krasniqi dhe Naser Kabashi.
Raporti i gazetares Doresa Geci.
