Çmimi i këtij derivati zbriti në 1 euro e 85 cent për litër, pastaj i benzinës 1 euro e 74 cent, ndërsa i gazit 78 cent.
Ky u përcaktua si çmimi maksimal për të hënën, me vendimin e Ministrisë së Industrisë, Tregtisë e Ndërmarrësisë.
Vendimin e ri të ministrisë, e mirëpritën qytetarët, por megjithatë e konsiderojnë prapë të lartë.
Por, sipas njohësit të ekonomisë, vendimi i ri për përcaktimin e çmimit maksimal është vështirë i zbatueshëm. Safet Gërxhaliu, deklaron se vendimi në fjalë dëmton qytetarët dhe sektorin privat.
Çmimet e derivateve janë valide për 24 orë nga data dhe ora e publikimit. Kësisoj, ministria pritet të caktojë çdo ditë çmimin maksimal.
Raporti i gazetares Albiona Hajdari.
