Ministri i Mbrojtjes i Izraelit, Israel Katz, thotë se ushtria synon të pushtojë pjesë të Libanit jugor edhe pasi të përfundojë lufta aktuale me Hezbollahun.
Në një deklaratë video, Katz përshkroi planet për të krijuar një zonë të përhershme sigurie brenda territorit libanez, që do të shtrihet deri në lumin Litani.
“Në fund të operacionit, IDF [ushtria izraelite] do të vendoset në një zonë sigurie brenda Libanit… dhe do të ruajë kontrollin e sigurisë në të gjithë zonën deri në lumin Litani”, tha ai, citon Al Jazeera.
Katz tha gjithashtu se banorëve të zhvendosur libanezë do t’u ndalohet kthimi dhe do të zbatohet një model spastrimi etnik në stilin e Gazës.
“Të gjitha shtëpitë në fshatrat ngjitur me kufirin në Liban do të shemben në përputhje me modelin e Rafah dhe Beit Hanoon në Gaza.”
