Presidentja e Kosovës, Vjosa Osmani, ka shprehur mbështetjen e saj për përfaqësuesen e vendit, duke theksuar rrugëtimin e vështirë, por krenar të shtetit të Kosovës.
Ajo u shpreh se Kosova ka lindur mes sfidave dhe sakrificave, është rritur me dinjitet dhe sot përfaqëson ëndrrat e një populli të tërë në arenën ndërkombëtare.
“Ju jeni simbol i qëndresës, i guximit dhe i shpresës. Jemi me ju djema. Me Kosovën përgjithmonë. Me Dardanët,” ka deklaruar Osmani.
Mesazhi i saj vjen si një thirrje për unitet dhe mbështetje ndaj ekipit kombëtar, duke theksuar krenarinë dhe përkushtimin që ata përfaqësojnë për vendin./teve1.info/
