Presidentja e Kosovës, Vjosa Osmani ka përkujtuar 27-vjetorin e masakrës së Padalishtës.
E para e vendit ka thënë se 27 vjet më parë forcat e regjimit gjenocidal të Serbisë kryen një prej krimeve më të rënda të luftës në Kosovë.
Ajo tha se kjo ditë nuk është vetëm përkujtim, por thirrje për drejtësi.
“Kjo ditë nuk është vetëm përkujtim, por thirrje për drejtësi27 vjet më parë forcat e regjimit gjenocidal të Serbisë kryen një prej krimeve më të rënda të luftës në Kosovë, masakrën e Padalishtës në Skenderaj dhe në Cerkolez të Istogut.Forcat kriminale serbe masakruan 19 anëtarë të familjes Imeraj, duke mos kursyer as më të pambrojturit: 11 gra dhe 5 fëmijë të moshës nga 2 deri në 16 vjeç. Një akt çnjerëzor që synonte jo vetëm shfarosjen e një familjeje, por edhe shuarjen e vetë shpresës për jetë. Kjo ditë nuk është vetëm përkujtim, por thirrje për drejtësi, e cila ende pret të vihet në vend. Qoftë i përhershëm kujtimi për martirët!”, ka shkruar Osmani./teve1.info/
