Kryediplomatja e BE-së, Kaja Kallas, ka folur me gazetarët në margjinat e takimit të ministrave të jashtëm të G7-ës në Francë në minutat e fundit.
Ajo aty tha se “ne duhet të gjejmë një mënyrë për të dalë nga lufta, jo për ta përshkallëzuar më tej këtë situatë, sepse pasojat për të gjithë në mbarë botën janë mjaft të rënda”.
“Të gjitha vendet në botë janë prekur në një mënyrë ose në një tjetër nga kjo luftë, kështu që është në interesin e të gjithëve që kjo luftë të ndalet”, tha ajo, citon Guardian.
Ajo shtoi gjithashtu se “nuk mund ta harrojmë Ukrainën”, duke u shqetësuar se rritja e çmimit të naftës do ta ndihmonte Moskën të financonte përpjekjet e saj të luftës.
