Presidenti gjerman, Frank-Walter Steinmeier ka thënë se lufta SHBA-Izrael kundër Iranit ishte një “shkelje e së drejtës ndërkombëtare”.
“Përçarja është shumë e thellë dhe besimi në politikën amerikane të fuqisë është humbur, jo vetëm midis aleatëve tanë, por… në mbarë botën”, tha ai në një aktivitet për të shënuar 75-vjetorin e ministrisë së jashtme gjermane, citon Guardian.
Steinmeier, një ish-ministër i jashtëm i cili tani mban një rol kryesisht ceremonial, shtoi: “Politika jonë e jashtme nuk bëhet më bindëse thjesht sepse ne nuk e quajmë shkeljen e së drejtës ndërkombëtare si shkelje të së drejtës ndërkombëtare.”
“Nuk ka dyshim se, në çdo rast, justifikimi i një sulmi të afërt ndaj SHBA-së nuk mban ujë”, tha ai.
Në fillim të luftës, administrata amerikane thirri zyrtarisht nenin 51 të kartës së OKB-së – dispozitën e vetëmbrojtjes – duke argumentuar se arsenali raketor dhe ambiciet bërthamore të Iranit përbënin një kërcënim të drejtpërdrejtë për forcat amerikane në rajon./teve1.info/
