Kryetari i parlamentit të Iranit, Mohammad Baqer Qalibaf, ka paralajmëruar për pasoja serioze në gjithë Lindjen e Mesme nëse objektet energjetike iraniane bëhen objekt sulmesh.
Në një postim në X, ai theksoi se infrastruktura kritike dhe energjetike në rajon mund të përballet me shkatërrim të pakthyeshëm. Ai shkroi se:
“Menjëherë pasi termocentralet dhe infrastruktura në vendin tonë të jenë në shënjestër, infrastruktura kritike, infrastruktura energjetike dhe objektet e naftës në të gjithë rajonin do të konsiderohen shënjestra legjitime dhe do të shkatërrohen në një mënyrë të pakthyeshme, dhe çmimi i naftës do të mbetet i lartë për një kohë të gjatë.”
Këto deklarata vijnë në një moment tensionesh të larta, pasi presidenti amerikan, Donald Trump, i ka dhënë Iranit një afat prej 48 orësh për të rihapur Ngushtica e Hormuzit për qarkullimin e anijeve.
Të shtunën në mbrëmje, në një postim në Truth Social, Trump paralajmëroi se SHBA-ja do të “godisnin dhe shkatërronin” termocentralet iraniane – “duke filluar fillimisht me më të madhin” – nëse Teherani nuk vepron brenda afatit të caktuar.
Sipas deklaratës së tij, afati përfundon në orën 23:44 GMT të së hënës, duke rritur ndjeshëm rrezikun e përshkallëzimit të mëtejshëm të situatës në rajon.
