Autor: Driton Sadiku
Automjetin po i duhet ta mbush.
Por për një litër naftë, këtë shtunë, ky qytetar pagoi më shtrenjtë.
Çmimi i saj gjatë ditës u shit deri në 1.67 cent.
Për shoferët, rritja pothuajse përditshme e këtyre çmimeve, po është e papërballueshme.
“Rritje shumë e madhe, vështirë, nuk kemi pare qysh po e mbulojnë shefat e pompave”, thotë Ramadan Rexhepi -qytetar.
“Duke i parë të ardhurat që i kemi, kjo është e papërballueshme për neve. Shteti e ka vendos një tavan por se di sa po respektohet ajo”, shprehet Refik Shalaku.
Për të kuptuar nëse kjo rritje do të vazhdojë edhe gjatë ditëve në vazhdim, tëvë1 kontaktoi edhe Shoqatën e Naftëtarëve të Kosovës.
Por të njëjtit nuk ishin të qasshëm.
Ndërkohë, nga Oda Ekonomike e Kosovës kanë propozuar që të ulët normën e tatimit të akcizës për naftën, pasi sipas tyre, në këtë mënyrë çmimet do të uleshin deri në 40%.
I të njëjtit mendim është edhe ekonomisti, Fidan Qerimi.
“Qeveria duhet që përkohësisht ta ulë akcizën apo TVSH-në me të cilën mënyrë do të ulte koston e qytetarëve dhe logjistikës në përgjithësi të zinxhirit të furnizimit dhe kjo do të zbuste ndikimin rritjes që çmimit të naftës. Qeveria në këtë rast ka ngec në immpelentimin e këtyre masave”, thotë Fidan Qerimi – ekonomist.
Derivatet vazhdojnë të jenë ndër produktet më të importuara në Kosovë.
Vetëm gjatë vitit 2025, në vend u importuan derivate në vlerë prej 560 milionë eurosh, duke u renditur e dyta për nga pesha në totalin e importeve.
