Real Madridi është kualifikuar në çerekfinale të Ligës së Kampionëve, të martën mbrëma.
Madrilenët në 1/8 e finales eliminuan Manchester Cityn me rezultatin e përgjithshëm 5:1.
Pas fitores 3:0 javën e shkuar në Madrid, në duelin e dytë të luajtur në Angli, Reali mposhti Cityn me shifrat 2:1.
Dy gola u shënuan në pjesën e parë, një në të dytën, pjesë në të cilën u anuluan katër gola nga VAR-i, dy për Cityn dhe dy për Realin.
Vinicius Junior kaloi Realin në epërsi nga penalltia në minutën e 22-të, përpara se Erlinf Haaland të barazojë në minutën e 34-të për Cityn.
Fitoren dhe avancimin e Realit e konfirmoi Vinicusi me golin e tij të dytë personal që e shënoi në kohën shtesë.
City ndeshjen e mbylli me një lojtar më pak, pasi Bernardo Silva u përjashtua direkt me karton të kuq në minutën e 20-të.
Kjo është hera e katërt në pesë sezonet e fundit që Reali eliminon Cityn nga Championsi.
