Ministri i Shëndetësisë, Arben Vitia ka njoftuar se ka nënshkruar kontratën për vazhdimin e punimeve në Spitalin e Ferizajt.
Ai ka bërë të ditur se ky projekt do të ketë kosto prej 24 milionë euro ku punimet pritet të përfundojnë brenda 30 muajsh
“Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro. Urime për të gjithë qytetarët e Ferizajt për këtë projekt të shumëpritur”, ka shkruar Vitia.
Projekti për ndërtimin e këtij spitali kishte nisur në vitin 2018./teve1.info/
