Organet e rendit, ende nuk kanë arritur të identifikojnë personat që shkaktuan sulmin, megjithëse sipas zëdhënësit të policisë, Branislav Radoviç, hetimet po vazhdojnë.
“Bëhet fjalë për dëmtime të disa automjeteve zyrtarte të Elektrodistribucionit që kanë qenë të parkuara në parkingun prapa objektit, dëmtim të kabllit të tensionit të lartë si dhe dëmtim të pjesshëm të murit të jashtëm të objektit”, tha Radoviç.
Përgjegjëse për këtë sulm, ministri i Punëve të Brendshme, Xhelal Sveçla, i ka lënë strukturat paralele, të cilat sipas tij kanë qëllim të ngjallin pasiguri tek qytetarët.
Një seli tjetër e kësaj kompanie, gjendet edhe në Beograd.
Ndryshe, ky sulm vjen disa ditë pasi Kosova dhe Serbia nënshkruan një marrëveshje në sektorin e energjisë, si udhërrëfyes për zbatimin e marrëveshjeve të arritura gjatë vitit 2013 dhe 2015, ku njëra nga pikat detyronte ZRRE-në që t’ia lëshojë licencën për furnizim Elektroseverit.
Raporti i gazetares Florijeta Dernjani.
