Kjo është një foto e autobusit të shkrumbuar në kantonin e Fribourg, në Kerzers të Zvicrës.
Si pasojë e zjarrit që përfshiu këtë autobus, gjashtë persona humbën jetën dhe pesë të tjerë u lënduan rëndë.
Ngjarja ndodhi në orët e vona të pasdites të së martës.
Por, cila ishte pikënisja e kësaj tragjedie?
“Kur njerëzit kthehen nga puna, kur fëmijët mbarojnë shkollën, u vu re një qytetar i cili me një bidon benzinë ia derdhë vetvetes dhe sipas dëshmitarëve atje, tha atë frazën e famshme “Allahu është i madh” dhe i vuri zjarrin vetvetes.”, ka thënë Kazanxhi.
Mediat zvicerane raportojnë se autori i kësaj tragjedi besohet të jetë 60 vjeçar.
Aldo Kazhani, ishte dëshmitar i këtij rasti dhe tregon se zjarri ishte shumë i fuqishëm, sa njerëzit ishin shkrumbuar brenda pak çasteve.
“Flakët kanë qenë të menjëhershme dhe zjarri ka arrit temperatura aq të mëdhja sa njerëzit janë shkrumbuar, janë karbonizuar në moment. Sepse edhe autobusi ishte elektrik, prandaj kjo gjë bëri që zjarri të shtrohet sa më shpejtë e me shpejtësi shumë të madhe.”, u shpreh tuje Kazanxhi.
Nga afër rastin e kishte parë edhe Astrit Berisha, i cili tregon tmerrin që e pa me sy.
Sipas tij, gjendja u stabilizua pas më shumë se dy orëve, atëherë kur janë nxjerrë edhe trupat e të vdekurve.
Shkak i këtij rasti tragjik, Kazanxhi thotë se janë rritur masat e policisë nëpër objekte fetare.
“Normalisht kemi parë në vendet ku ne shqiptarët falemi pra nëpër xhami, forca policie dhe kjo ëshët diçka e pazakontë.”, theksoj Kazanxhi
Sipas mediave zvicerane hetimet janë duke vazhduar.
