Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit, po mban mbledhjen pasi presidentja Vjosa Osmani ka kërkuar nga Kuvendi i Kosovës që të votohen amendamentet e vitit 2011, disa prej të cilave kaluan nga Gjykata Kushtetuese për votimin e Presidentit direkt nga populli.
Kryetari i këtij komisioni, Përparim Gruda nga PDK-ja, ka thënë se nuk ka asgjë të keqë që të hapet debat për ndryshime kushtetuese.
Por ai tha se amendamentet nuk mund të sillen 14 vjet më vonë.
“Jemi gati 14 vjet pas vendimit të Gjykatës Kushtetuese, pasi çështja është dërguar në gjykatë në vitin 2011. Pra, kemi kaluar çdo afat. Unë sot mendoj se komisioni nuk mund të shqyrtojë amendamente që kanë kaluar testin e Gjykatës Kushtetuese më shumë se një dekadë më parë”, ka thënë Gruda në mbledhjen e Komisionit.
Propozimet për votimin e këtyre amendamenteve erdhe nga presidentja Vjosa Osmani në ditën e fundit të afatit kushtetues për nisjen e procedurave për zgjedhjen e presidentit të ri.
Propozimet e Osmanit u mbështeten dhe nga LVV.
Osmani nuk u propozua nga LVV, deri tash i vetmi kandidat i propozuar është Glauk Konjufca.
Nga kjo parti kanë thënë se nuk kanë propozuar kandidatin dytë që është kusht kushtetues për tu thirrur seanca për president duke thënë se këtë e kanë bërë që edhe opozita të ketë kandidatin e tyre, madje kanë premtuar dhënien e nënshkrimeve të nevojshme për PDK-në e LDK-në./teve1.info/
