Kryetarja e Kuvendit të Kosovës, Albulena Haxhiu ka ngarkuar Komisionin për Legjislacion që të shqyrtojë amendamentet kushtetuese të propozuara nga presidentja Osmani për zgjedhje të presidentit direkt nga populli.
Këtë e ka bërë të ditur kryetari i Komisionit për Legjislacion, Adanan Rrustemi.
Ai ka thënë se përkrahin këto amendamente.
“Sapo u ngarkuam si Komision për Legjislacion nga Kryetarja e Kuvendit, znj. Albulena Haxhiu për shqyrtimin e amendamenteve kushtetuese të propozuara nga Presidentja Vjosa Osmani Sadriu, të cilat parashohin që Presidenti/Presidentja të zgjidhet drejtpërdrejt nga populli. Në përkrahje të këtyre amandamenteve, me këtë mënyrë eliminohen ngërçet që po e pengojnë funksionimin e institucioneve dhe që po e pamundësojnë stabilitetin e tyre”, ka shkruar Rrustemi.
Presidentja e Kosovës ka njoftuar se ka dërguar në Kuvend amendamentet kushtetues që presidenti të zgjidhet direkt nga populli.
Ajo ka thënë se kjo është bërë duke parë krizat që po prodhon kjo çështje.
Përkrahje Osmanit i dha edhe kryetarja e Kuvendit, Albulena Haxhiu.
