Ministria e Jashtme e Azerbajxhanit akuzoi të enjten Iranin për kryerjen e një sulmi me dronë në enklavën e saj të Nakhçivanit.
Ministria tha në një deklaratë se një dron u rrëzua pranë aeroportit në Nakhchivan dhe një tjetër pranë një shkolle, dhe se dy civilë u plagosën.
Azerbajxhani “dënon me forcë këtë incident”, tha ajo, duke shtuar se “rezervon të drejtën për të ndërmarrë masat e nevojshme hakmarrëse”.
Ministria tha se thirri ambasadorin iranian për të paraqitur një protestë, citon AP.
Irani nuk e ka pranuar se ka shënjestruar Azerbajxhanin, por sulmet e tij hakmarrëse janë përhapur, ndërsa lufta ka vazhduar duke përfshirë vendet e rajonit dhe më gjerë.
