Studiuesi i filozofisë politike, Latif Mustafa, ka thënë se Lëvizja Vetëvendosje synon të gjithë pushtetin, përfshirë edhe presidentin e vendit.
Ai thotë se i propozuari i LVV-së për president, Glauk Konjufca do të zgjidhet në këtë post edhe nëse shkohet në zgjedhje.
“Është e natyrshmërisë së këtij pushteti që ta ketë edhe presidentit. Në fund unë nuk kam asnjë dyshim që president do të jetë Glauk Konjufca, edhe në zgjedhje nëse shkohet në fund do të vije Glauk Konjufca, sepse është në konceptin e këtij subjekti, sepse i do të gjitha”, ka thënë ai në emisionin “Këndi i Debatit” në Tëvë1.
Mustafa ka thënë se gjithë procesi i zgjedhjes së presidentit është spektakël politik.
Ai ka thënë se në situatën aktuale, Kosova ka dështuar në dy pikat themelore të demokracisë.
“Në gjendjen që jemi kjo është një lloj dështimi demokratik, një lloj infantilizmi politik, sepse kemi dështuar në dy pika themelore të demokracisë, e para konsensualiteti e dy ta inkluziviteti”, ka thënë ai.
