Ministri i Jashtëm turk Hakan Fidan i përcolli të mërkurën homologut të tij iranian, Abbas Araghchi, shqetësimin e Ankarasë lidhur me një municion balistik të lëshuar nga Irani drejt hapësirës ajrore turke, i cili u neutralizua.
Në një bisedë telefonike, Fidan i tha Aragçit se çdo hap që mund të çojë në përshkallëzimin e konfliktit duhet të shmanget, thanë burimet e Ministrisë së Jashtme turke.
Më parë, një municion balistik i qëlluar nga Irani drejt hapësirës ajrore turke u kap dhe u neutralizua nga njësitë e mbrojtjes ajrore dhe raketore të NATO-s në Mesdheun Lindor, tha Ministria Turke e Mbrojtjes Kombëtare.
Ministria tha në platformën turke të mediave sociale NSosyal se predha, e zbuluar pasi kaloi nëpër Irak dhe Siri, u qëllua me sukses nga mbrojtja ajrore.
