Gjyqit për 400 kg kokainë, i ka ardhur fundi.
Sot, palët para trupit gjykues dhanë fjalët përfundimtare.
Prokuroria nisi e para, duke ritheksuar edhe njëher tjetër akuzat e saj për drogën e ardhur nga Brazili.
I akuzuari kryesor, pronari “MC Food”, Izet Sheqiri, sipas prokurorisë, ishte në dijeni për çdo lëvizje në kompani.
“Nga provat materiale si dhe nga vet deklarimi i të pandehurit, Izet Sheqiri, është vërtetuar se i njëjti ka qenë në dijeni dhe i informuar për çdo porosi malli nga jashtë vendit nga zevendësdrejtori i kompanisë, tani i pandehuri, Faton Vrajolli, përfshirë edhe rastin konkret, ku është gjetur substanca narkotike. Për më tepër, vet i pandehuri, Izet Sheqiri, gjatë shqyrtimit gjyqësor ka pohur faktin se porositë e mallit i ka bërë Faton Vrajolli, por gjithmonë me konfirmimin dhe aprovimin paraprak të tij.”, ja thënë Gashi.
Prokurori pretendon se bartja e drogës u bë për qëllim të përfitimit pasuror, duke shfrytëzuar mungesën e kontrollit të kamionit.
“Është vërtetuar se i akuzuari Izet bashkë më të akuzuarin Vrajolli, fillimisht kanë planifikuar që të importojnë substancën narkotike të llojit kokainë prej 400 kg, dhe që kjo sasi e narkotikëve të vendoset brenda sasisë të produktit të mishit të bardhë, për importimin e të cilit mish, i akuzuari Izet dhe Faton, duke shfrytëzuar kompaninë “MC FOOD”, kanë arritur që të lidhin marrëveshje me përfaqësuesit e kompanisë “SEARA” nga Brazili. Pastaj është vërtetuar se i akuzuari Izet Sheqiri gjithashtu ishte i frikësuar për ngarkesën gjatë gjithë kohës sa ishte duke u transportuar, përfshirë mbajtjen e kontakteve të vazhdueshme me shoferin, tani të pandehurin, Fehmi Bytyqi, i caktuar për transportimin e lëndës narkotike nga Republika e Shqipërisë për në Republikën e Kosovës.”, ka thënë tutje Gashi.
Sipas prokurorit Gashi, shoferi i këtij kamioni i kishte mbajtur të informuar përgjatë gjithë rrugës Sheqirin e Vrajollin.
“Me të arritur në terminalin doganor në Fushë Kosovë, pasi që është hapur kontineri për kontroll doganor, i njëjti e ka incizuar mallin brenda kamionit ku ishte substanca narkotike dhe menjëherë ia ka dërguar Izet Sheqirit, për ta siguruar se substanca narkotike kishte arritur të futet në Republikën e Kosovës.”, theksoj Gashi.
Gjithë kjo fjalë përfundimtare nga prokuroria, sipas ekipeve mbrojtëse nuk ishte e bazuar në prova.
“Gjitha ato që është dashtë t’i analizojë prokuroria, dhe t’i shtjellojë ashtu siç e obligon ligji e jo qefi i dikujt. Dhe krejt këtë e interpreton duke e konsideruar Gjykatën si fontanë dëshirash, pa pasë as më të voglën keqardhje se me shtrembërimin e fakteve, nuk arrihet drejtësia.”, u shpreh Latfiaj.
Latifaj pati edhe disa pyetje për prokurorinë.
“Pse nuk u arrestu personi që pat me shpërnda drogën nëpër Kosovë, që sipas jush ka shku me marrë. Tash a po i besoni se Kadri Sheqiri ka pasë me shpërnda drogën, apo ky personi? Apo së bashku?”, u shpreh tutje Larfiaj.
Sipas aktakuzës së prokurorisë, ishte planifikuar brenda pesë ditësh që sasi prej 400 kg kokainë të shpërndahej në Prishtinë.
Përveç Izet Sheqirit dhe Faton Vrajollit, të akuzuar janë dhe Kadri Sehqiri, Kadri Brahimi dhe Fehmi Bytyqi.
