Njohësi i marrëdhënieve ndërkombëtare, gjeopolitikës dhe sigurisë, Ilir Kulla, ka marrë titullin “Kalores” në Senatin e Republikës së Italisë.
Kulla me këtë çmim është nderuar për shkak të punës dhe angazhimit të tij në fushën e diplomacisë dhe sigurisë.
Ai në një postim në Facebook ka thënë se ky vlerësim për të, vjen në një periudhë të vështirë për botën, ku ka ritheksuar se “sfida jonë është ti lëmë fëmijëve një botë paqeje dhe jo lufte e shkatërrimi.
“Në Senatin e Republikës së Italisë në Pallatin Justiniani në Romë, në sallën Zuccari, ngjitur me sallën e Presidenteve mora titullin Kalores! Ky vlerësim me një motivim që më krijoi jo pak emocione vjen në një epoke të vështirë që po jetojmë, ashtu sikundër thashë në Samitin e Sigurisë Digjitale 10 ditë më parë në San Marino, epoka jone ndryshon me shpejtësinë e Internetit , por sfida jonë është ti lëmë fëmijëve një botë paqeje dhe jo lufte e shkatërrimi ! Faleminderit @ Grazie!”, ka shkruar Kulla.
Ilir Kulla, është bashkëpunëtor në Tëvë1. Ai është pjesë e emisionit “Matrix” me Mehmet Kallisin, i cili transmetohet çdo të hënë nga ora 20:40.
Kulla, aktualisht është këshilltar i Jashtem i i Presidentit të Shqipërisë Bajram Begaj, poashtu ka qenë këshilltar i jashtëm në qeverinë e Maqedonisë së Veriut, duke punuar në kabinetin e kryeministrit Talat Xhaferi
Ai ka qenë edhe Drejtor i Agjencisë së Inteligjencës dhe Sigurisë së Mbrojtjes (AISM) – strukturë në varësi të Ministrisë së Mbrojtjes.
Gjatë periudhës së qeverisjes së Fatos Nano, Ilir Kulla, Drejtor i Komitetit Shtetëror për Kultet.
