Dy raste të vdekjeve të dyshimta janë raportuar gjatë 24-orëve të fundit të cilat po hetohen nga Policia.
Në Prishtinë, një burrë ka vdekur në QKUK ku kishte shkuar për tu trajtuar.
Rasti ka ndodhur të hënën.
“Është raportuar se një mashkull kosovar i cili kishte ardhur në QKUK për tretman mjekësor për shkak të disa problemeve shëndetësore, me datën 02.03.2026 ka ndërruar jetë. Me vendim të prokurorit trupi i pajetë është dërguar në IML për obduksion”, ka njoftuar Policia.
Ndërsa, në Mitrovicë Jugut një mashkull është gjetur i vdekur në banesën e tij të hënën.
“Është raportuar se një mashkull është gjetur pa shenja jete në banesën e tij. Në vendin e ngjarjes kanë dalë njësitë përkatëse dhe ekipi mjekësor i cili ka konstatuar vdekjen e tij. Me vendim të prokurorit trupi i pajetë është dërguar në IML për obduksion”, thuhet në raportin 24-orësh./teve1.info/
