Ministri për Punë, Familje dhe Vlerat e Luftës së UÇK-së, Andin Hoti ka thënë se ngjarjet si “Epopeja e UÇK-së, duhet të na gjejnë të bashkuar.
Ai kështu është shprehur duke folur për krijimin e dy këshillave organizativ për këtë ngjarje, një nga Qeveria e Kosovës dhe një nga OVL e UÇK-së.
Për krejt situatë, ai ka thënë se mund të ketë ndodhur nga mungesa e një koordinimi të duhur, ndonëse ka përmendur se me vendim të Qeverisë, një anëtar i këshillit organizativ ka qenë edhe nga OVL-UÇK.
“Ka mbi 5 vjet që OVL nuk kanë marrë pjesë në këshille të tilla organizative, jam shumë i sigurt që Epopeja e UÇK-së është ngjarja më e rëndësishme e luftë së UÇK-së dhe në këtë ngjarje nuk duhet të jemi të ndarë. Institucioni është ai që i jep vlerën çdo lloj ngjarje në Kosovë, kjo ka ndodhur ka qenë të ftuar edhe OVL- e UÇK-së, si anëtare. Ndoshta ka qenë mungesë e komunikimit të mirëfilltë. Është e vërtet se sot i kemi dy agjenda, prandaj kamë kërkuar takim urgjent me OVL-UCK-në… Bashkëpunimi prodhon rezultate”, është shprehur Hoti në emisionin “Këndi i Debatit” në Tëvë1.
