Policia e Kosovës ka njoftuar se në orët e hershme të mëngjesit, njësitet policore me mbështetje të Njësisë për Reagim të Shpejtë (NJRSh) arrestuan një person i kërkuar me urdhër të gjykatës në Mitrovicën e Jugut.
Përmes njoftimit bëhet e ditur se, arrestimi u realizua pas veprimeve operative për lokalizimin dhe kapjen e të kërkuarit.
Pas procedurave ligjore, personi u dërgua në Qendrën e Paraburgimit për të vuajtur një vit burg për veprën penale “Blerje dhe posedim i paautorizuar i substancave narkotike”.
“Policia mbetet e përkushtuar në zbatimin e vendimeve të institucioneve të drejtësisë dhe garantimin e rendit dhe sigurisë publike”, thuhet në njoftim.
