Katër persona janë shoqëruar në stacionin e policisë në Ferizaj, të cilët dyshohet se kanë kryer veprën penale “Kanosje”.
Sipas policisë, personat janë intervistuar në cilësinë e të dyshuarve, ndërsa janë sekuestruar tri armë zjarri dhe 73 fishekë.
Për armët e sekuestruara, të dyshuarit posedonin leje valide.
“Tek i dyshuari E.F. (30 vjeç) janë sekuestruar dy armë zjarri (pistoleta) dhe 63 fishekë, ndërsa tek i dyshuari tjetër N.M. (57 vjeç) është sekuestruar një armë zjarri (pistoletë) dhe 10 fishekë”, thuhet në njoftim.
Ndryshe, pas intervistimit, të dyshuarit janë liruar në procedurë të rregullt./teve1.info/
