Njohësi i çështjeve politike, Korab Blakaj, ka thënë se Kosova nuk duhet të ketë prioritet dialogun me Serbinë.
Ai ka vlerësuar sy bisedimet me Serbinë janë një rrugë pa krye në të cilën kanë hyrë politikanët e vendit.
Blakaj ka thënë se bisedimet me Serbinë janë humbje e energjisë dhe se duhet të orientohet nga zhvillimi ushtarak.
“Bisedimet me Serbinë janë humbje e energjisë, ne do të duhej të orientohemi në një fushë komplet tjetër. Udhëheqësit e shtetit të drejtojnë vendin drejt një zhvillimi më shpjet ushtarak. Për tu respektuar në një tavolinë bisedimesh, forca fizike është kërkesa numër një të cilën duhet ta posedosh”, ka thënë Blakaj në emisionin “Këndi i Debatit” në Tëvë1.
Ai ka thënë se premtimi i kryeministrit Kurti prej 1 miliard euro investime në ushtri janë të pamjaftueshme në krahasim me ato që bën Serbia.
Blakaj ka thënë se diskursi publik që kanë hapur politikanët e Kosovës për njohje nga Serbia është gabim.
Ai ka thënë se shtetet njihen mes vete, por siç ka potencuar shtetet tejkalojnë limitet e tyre në momente të caktuara.
