Celje, Slloveni
Trajneri i Celjes, Ivan Mayewski, ka kërkuar nga lojtarët e tij të mos mbështeten në rezultatin e ndeshjes së parë kundër Dritës.
Celje fitoi në Prishtinë 3:2 javën e kaluar. Por ai thotë se të enjten lojtarët e tij do të luajnë sikur rezultati të ishte baras, 0:0.
Ndeshja kthyese e plejofit të fazës nokaut në Lingën e Konferencës zhvillohet nga ora 18:45.
“Do ta nisim ndeshjen pa e menduar rezultatin e ndeshjes së kaluar. Pra do ta nisim ndeshjen sikur rezultati të jetë baras, 0:0”, ka thënë Mayewski në konferencë për media.
Ai foli edhe për përkrahjen që do ta ketë Drita nga shqiptarët. Tha se rreth 100 shikues nga 3000 do të jenë shqiptarë.
“Sipas të dhënave të cilat i kemi tani do të ketë rreth 100 perkrahës të Dritës, jo më tepër përpos edhe anëtarët e delegacionit të klubit”, është shprehur trajneri i Celjes.
Ai nuk pret që ndeshja të shkoj në vazhdime.
“Jo nuk i kemi stervitur penalltitë, sepse kam besim se lojtarët e mi do ta vendosin ndeshjen gjatë 90 minitave”, ka theksuar ai.
Ndërkohë, Mario Kvesiq, po ashtu ka theksuar se ende asgjë nuk ka përfunduar.
“Gjëja më e rendësishme është të futemi në ndeshje sikur jemi 0:0. Pra të harrojmë golin e fitores të cilin e kemi shënuar në fund të ndeshjes së kaluar. Nuk duhet të ndryshojmë asgjë nga filozofia jonë. Duhet t’i qasemi lojes sonë dhe jemi të bindur nëse luajmë siç kemi stërvitur çdo ditë, mund të fitojmë”, thotë mesfushori i Celjes.
Te Celje luan edhe kosovari Milot Avdyli. Madje Avdyli shënoi njërin prej golave të Celjes në ndeshjen e parë.
