Të paktën 12 avionë luftarakë amerikanë F-22 u ulën në një bazë ajrore izraelite të martën mes përshkallëzimit të tensioneve me Iranin, raportoi transmetuesi publik i Izraelit KAN.
“Dymbëdhjetë avionë luftarakë amerikanë F-22 zbarkuan këtë pasdite në një nga bazat e Forcave Ajrore Izraelite në jug të vendit, si pjesë e vendosjes amerikane në Lindjen e Mesme”, tha KAN, i cituar nga Anadolu.
Ai shtoi se avionët janë ndër avionët luftarakë më të përparuar në botë, të zotëruar vetëm nga SHBA-të, dhe janë të ngarkuar, ndër misione të tjera, me “depërtimin në territorin e armikut dhe çaktivizimin e sistemeve të mbrojtjes ajrore dhe instalimeve të radarëve”.
SHBA-ja kanë rritur praninë e tyre ushtarake në rajonin e Gjirit Persik mes kërcënimeve të Presidentit të SHBA-së, Donald Trump, për veprime ushtarake kundër Teheranit nëse negociatat aktuale bërthamore dështojnë.
