“LVV nuk ka ndonjë anëtar me librezë partie që synon të bëhet president. Por njësoj vlen edhe për dy partitë e tjera të mëdha dhe tradicionale, PDK dhe LDK. Ne si parti politike nuk kemi pasur kandidatë nga radhët tona”.
I pari i Qeverisë së Kosovës, Albin Kurti këtë deklaratë e bëri të hënën para gazetarëve.
Një përgjigje e tillë, nga njohësit e politikës po shihet si mesazh për presidenten e vendit, Vjosa Osmani.
Analisti Argjend Softolli, thotë se Osmani nuk është më preferencë e Kurtit për të parën e shtetit.
E të shtunën mbrëma, një vizitë Kurti e pati edhe në Prekaz.
Por ai nuk tregoi nëse kanë biseduar rreth një emri të kësaj familje për postin e presidentit.
Por dikë nga Jasharët, qytetarët e Skenderajt, do donin ta shihnin në këtë pozitë.
Kur kanë mbetur vetëm edhe 8 ditë derisa Kosova duhet ta ketë emrin e presidentit të ri, propozim nuk ka as opozita.
Por, rreth një emri nga familja Jashari, duket se pajtohen të gjithë.
“Një kandidature që vjen nga familja Jashari në Kuvend të Kosovë unë do t’i thoja personalisht çdoherë po, por vendimi është i Kryesisë së PDK. edhe një dialogu që duhet të jetë më përmbajtjesor mes kryeministrit dhe kryetarëve të partive politike në opozitë se si t’i qasemi kësaj teme”, tha Hoxhaj.
Deri tash, e vetmja kandidate që ka treguar se synon edhe një mandat është presidentja aktuale, Vjosa Osmani.
