Lautaro Martinez, kapiteni i Interit, ka pësuar një çrregullim muskulor në këmbën e majtë, pas një lëndimi gjatë ndeshjes së Champions League ndaj Bodo/Glimt.
Sipas raportimeve, sulmuesi argjentinas pritet të mungojë për tre deri në katër javë, duke bërë që të mos jetë në dispozicion për Derbin ndaj Milanit më 8 mars. Ai gjithashtu do të humbasë ndeshjet kundër Lecce, Genoa, Bodo/Glimt dhe Como.
Këtë sezon, Lautaro ka realizuar 18 gola dhe ka dhënë 4 asistime në 35 paraqitje në të gjitha kompeticionet, duke qenë golashënuesi më i mirë i Interit.
