Sipas tij, zgjidhje tjetër do ishte edhe vazhdimi i pakos së ringjalljes ekonomike me vlerë prej 100 euro edhe për 3 muaj të tjerë.
“Në fakt, nëse do kishim një qeveri largpamëse, do ishte dashur që ata vetë ta inicionin këtë tërheqje të Trustit. Pasi nuk janë duke e lejuar tërheqjen e Trustit, së paku duhej të vazhdonin pakon e ringjalljes me vlerë prej 100 euro edhe për 3 muaj tjerë. Unë jam ndër ata që ka bërë thirrje për ta tërhequr trustin si rezultat i situatës dhe gjendjes së caktuar në Kosovë. Përndryshe, si një ekonomist dhe një logjikë ekonomike, pa dyshim se do isha kundër kësaj tërheqjeje. Por, vlerësoj që do ishte një lehtësim për jetën e qytetarit”, tha Kadriaj në emisionin “infonata”.
Gjithashtu, ai konsideron se nëse do lejohej tërheqja e trustit, nuk do duhej të kalonte jashtë vendit por në Bankën Qendrore, pasi sipas tij në këtë mënyrë do të fuqizoheshin bizneset dhe vetë qytetarët./Tëvë1.info.