Një ndeshje të shtunën, tri të dielën e sërish një të hënën, do të zhvillohen në kuadër të javës së 21-të të Superligës së Kosovës në futboll.
Federata e Futbollit e Kosovës, ka prezantuar orarin e ndeshjeve të fundjavës, në të cilën do të zhvillohen disa duele interesante.
Java nis me përballjen Malisheva – Dukagjini që zhvillohet të shtunën nga ora 13:00. Të dielën në program janë tri ndeshjet e tjera. Derbi Llapi – Drita, në Podujevë nga ora 13:00, ndërsa Gjilani e pret Prishtinën, në derbin tjetër të javës. Ferizaj i bën konak liderit të ligës, Ballkanit, në ndeshjen që nis nga ora 13:00.
Ndeshja e vetme që luhet të hënën është ajo ndërmjet Drenicës e Prishtinës së Re, e cila nis në terminin e njëjtë si të tjera, por luhet në Malishevë.
