Tash e sa kohë, Republika e Kosovës pret për të marr një lajm të mirë për liberalizimin e vizave, në takimin e datës 23 qershor që do të mbahet në Bruksel, mes BE-së dhe përfaqësuesve të vendeve të Ballkanit Perëndimor.
Një ditë para takimit, presidentja e vendit Vjosa Osmani, ka udhëtuar për në kryeqendrën Evropiane, ku gjatë ditës është takuar me Presidenten e Parlamentit Evropian, Roberta Metsola.
Me anë të një postim në Facebook, Vjosa Osmani ka bërë të ditur se temë diskutimi ishte çështja e liberalizimit të vizave.
“Parlamenti Evropian ka shprehur qartë dhe në mënyrë të vazhdueshme vullnetin e popujve të BE-së për t’i hapur rrugë liberalizimit të vizave për qytetarët e Republikës së Kosovës, si dhe nevojën e përshpejtimit të perspektivës sonë evropiane”, ka shkruar Osman.
E Roberta Metsola në një postim në Twitter pas takimit tha se liberalizimi i vizave për Kosovën duhet të ndodh pa vonesa.
Por, sa i përket pritshmërie nga takimi i së enjtes, njohësi i çështjeve politike, Shqiprim Pula, thotë se është e vështirë të vije ndonjë lajm pozitiv Brukseli.
Kanë kaluar plotë 12 vite që kur Kosova ka nisur rrugëtimin për liberalizimin e vizave dhe sot ende vazhdon të mbetet vendi i vetëm në Evropë, që nuk mund të udhëtoj lirshëm në zonën Schengen.
