Figura e tyre ishte gati në secilën dorë.
E këta mijëra qytetarë, të martën u bënë bashkë për Hashim Thaçin, Kadri Veselin, Jakup Krasniqin dhe Rexhep Selimin.
Përmes kësaj proteste me moton “Drejtësi, jo politikë”, ata po kërkojnë drejtësi për ish krerët e Ushtrisë Çlirimtare të Kosovës.
Organizatori Ismail Tasholli tha se kur flitet për UÇK-në, nuk ka ndarje përmes posteve politike.
Masës iu drejtua edhe e mbijetuara e dhunës seksuale në Kosovë, Vasfije Krasniqi.
Ajo me zë të dridhur kërkoi drejtësi për çlirimtarët.
Fjalën e mori edhe ish ushtari i UÇK-së, Muhamet Ibrahimi.
Ibrahimi që ishte edhe ideator i flamurit të Kosovës, tha se kush lufton për liri, nuk ka frikë nga e vërteta.
Këtë protestë si zërin e atyre që nuk jetojnë më e pa ish ushtarja e UÇK-së, Shqipe Krasniqi.
Për fund foli edhe Lirim Haziri, djali i Xhavit Hazirit i cili ishte bashkëthemelues i UÇK-së, i zhdukur që nga viti 1998.
Ai tha se sakrifica e UÇK-së i përket të gjithë kombit.
Gjatë kësaj proteste, pati edhe këngë për luftën e Kosovës dhe Pavarësinë e saj.
