Qytetarët që jetojnë në pjesën veriore, nuk paguajnë për shërbimet e rrymës që nga viti 1999.
Nga Shoqëria Civile, po shpresojnë që kjo marrëveshje të respektohet, sepse në të kaluarën ka ndodhur e kundërta.
“Mendoi që marrëveshja e arritur për energjinë është shumë e rëndësishme sepse tregon progres në dialog. Por besoi që situata në terren nuk do të ndryshojë shumë. Me aq sa kam parë qytetarët janë skeptik për marrëveshjet e arritura sepse ka mungesë të implementimit, siç ka ndodhur edhe në të kaluarën. Shpresoj shumë që këto marrëveshje të respektohen, sepse shoh mungesë serioziteti nga palët e përfshirë në dialog”, tha Igor Markoviq nga Shoqëria Civile.
Ka edhe nga ta që ndjehen të shqetësuar nëse qytetarët serbë do të arrijnë ta paguajnë rrymën.
Njëri prej tyre është politikani serb, i njohur si kundërshtar i Listës Serbe, Aleksandar Arenijeviq.
Ai thotë se nga kjo situatë mund të përfitoi Lista Serbe.
“Qytetarët në veri kanë probleme ekonomike, e veçanërisht një pjesë e tyre që jetojnë në zona rurale, megjithatë rryma duhet të paguhet. Kjo situatë do të afektoj qytetarët serb që jetojnë në veri. Tjetra që më shqetëson është keqpërdorimi që mund të bëj Lista Serbe duke shtrirë ndikimin e saj tek Elektroserver. Qytetarë nuk janë të informuar mirë për negociata që janë zhvilluar në Bruksel”tha Arenijeviq.
E qytetarët që jetojnë në Veri të Kosovës, kanë mendime të ndryshe sa i përket pagesës së energjisë elektrike.
“Nuk janë njerëzit ende në gjendje që të paguajnë, ngase mbi 70 përqind e njerëzve këtu nuk punojnë, nuk ka fabrika, si në jug ashtu edhe në veri. Qeveritë, si në Prishtinë ashtu edhe në Beograd të punësojnë njerëzit, në mënyrë që më pastaj ata të paguajnë.
Kështu si qëndrojnë punët qytetarët nuk mund të paguajnë, gjysma jetojnë nga baballarët e të tjerë nga të ardhurat e gjyshërve” , tha një qytetar serb.
“Faturat, do të thotë krejt ato që vijnë nga institucionet e ndryshme, mendoj se secili ka obligim që të paguaj shërbime për diçka. Por, mendoj se duhet të merren parasysh edhe kategoritë sociale që nuk mund të paguajnë, por mendoj se në secilën shoqëri normale, duhet të paguhen shërbimet e ndryshme”, tha një tjetër qytetar.
Kosova dhe Serbia kishin arritur marrëveshje për energjinë edhe më 2013, por ajo kurrë nuk ishte zbatuar në tërësi.
Raporti i gazetarit Shpat Blakçori.
