Armand Duka do ta udhëheqë Federatën Shqiptare të Futbollit (FSHF) edhe për një mandat katërvjeçar.
Ashtu siç është pritur, Duka të hënën është rizgjedhur në postin e presidentit të FSHF-së.
Vendimi i delegatëve në Asamblenë Zgjedhore të FSHF-së ishte unanim për rizgjedhjen e Dukës, i cili në krye të Federatës është që nga viti 2002.
Me 48 vota pro, asnjë votë kundër dhe asnjë abstenim, Duka fitoi mandatin e tij të shtatë si president i FSHF-së, ndërsa gjithashtu u zgjodhën edhe 10 anëtarët e rinj të Komitetit Ekzekutiv.
Në fjalën e tij pas rizgjedhjes, Duka falenderoi të pranishmit dhe theksoi se mandati i ri do të shërbejë për të forcuar më tej infrastrukturën sportive dhe për të rritur cilësinë e futbollit vendas.
