Medon Berisha këtë javë i është bashkuar Lecces në stërvitje dhe ekipi italian me padurim pret kthimin e mesfushorit në fushë.
Berisha është rikuperuar nga lëndimi dhe tani gradualisht po e rikthen formën fizike për të qenë në dispozicion të trajnerit Eusebio Di Francesco.
Ai u lëndua më 12 dhjetor dhe i ka munguar Lecces në nëntë ndeshjet e fundit kampionale, në të cilat ka regjistruar 1 fitore, 2 barazime dhe 6 humbje.
Berisha nuk do të luajë as në ndeshjen e radhës kundër Cagliarit, pasi pritet të jetë i gatshëm për lojë në fund të këtij muaji.
Mbetet të shihet nëse do të aktivizohet ndaj Interit më 21 shkurt apo do të rikthehet për duelin kundër Comos, i cili do të zhvillohet më datën 1 mars.
22-vjeçari ka treguar paraqitje të mira këtë sezon dhe vlerësohet si lojtar tejet i rëndësishëm te Lecce, ku në 13 ndeshje kampionale ka shënuar 2 gola dhe ka bërë 3 asistime.
