Dukagjini i Klinës është ekipi i tretë që ka konfirmuar kalimin në çerekfinale të Kupës së Kosovës pas Llapit dhe Ferizajt.
Të mërkurën, në stadiumin “18 Qershori” në Klinë, Dukagjini e eliminoi Prishtinën e Re, të cilën e mposhti me rezultatin minimal 1:0.
Golin e vetëm në këtë takim, e shënoi sulmuesi i rikthyer te Dukagjini, Hekuran Berisha, i cili realizoi në minutën e 58-të për ta vulosur fituesin.
Ndërkohë, prej orës 18:00 në stadiumin “Fadil Vokrri” në kryeqytet, do të zhvillohet ndeshja tjetër e 1/8 së finales ndërmjet Prishtinës dhe Ballkanit.
