Një nga një erdhën në takimin e thirrur.
E ftesa, u bë nga i pari i Kuvendit të Kosovës, Dimal Basha.
E në tavolinën e rrumbullakët, 14 përfaqësuesit e partive politike në Kosovë diskutuan vetëm për një çështje.
Bëhet fjalë për seancën konstituive të së mërkurës.
Pas takimit, kryekuvendari, njoftoi se seanca u shty për disa orë.
“Ora ka ndryshuar. Kërkesa e Çitakut… në respekt të asaj që po ndodh në Hagë. Të gjithë liderët janë pranuar që mbledhja të mbahet në orën 17 e pastaj të vazhdohet më formimin e Qeverisë”, ka thënë Basha.
E Basha, njoftoi se u gjet dakordimi edhe për pikën më problematike.
“Pas gjitha diskutimeve ka pas një konsensus të plotë të të gjitha partive politike… kanë kërkuar që të shkohet në votim në pako. Kanë kërkuar që pesë nënkryetarët të votohen në pakos. Ka pas konsesnsu për raportin për votimin e kryetarit e nënkryetarëve… ku pritet themelimi i formimit të institucionëve”, u shpreh tutje Basha.
Më të përfunduar seanca konstituive, duket se deputetët do të vazhdojnë qëndrimin në sallë.
Kjo për seancën ku do të formohet ekzekutivi i ri.
Në fund, Basha tha se menjëherë pas këtyre hapave, në seancën e radhës do të vazhdohet me votimin e buxhetit të Republikës së Kosovës dhe me marrëveshjet ndërkombëtare.
