Në kuadër të zbatimit të Planit Vjetor të Auditimit 2025/2026, Zyra Kombëtare e Auditimit (ZKA) ka nisur auditimin e performancës me temën “Efikasiteti dhe efektiviteti i administrimit të pronave nga Agjencia Kosovare për Krahasim dhe Verifikim të Pronës (AKKVP)”, i cili përfshin periudhën 2023–2025, raporton KosovaPress.
Sipas njoftimit zyrtar, qëllimi i këtij auditimi është vlerësimi i funksionimit të sistemit të qeverisjes, kontrollit të brendshëm dhe llogaridhënies në AKKVP, me synim të sigurohet administrim efikas, efektiv dhe transparent i pronave publike.
Aktualisht, Agjencia Kosovare për Krahasim dhe Verifikim të Pronës ka në administrim mbi 11 mijë prona në të gjithë territorin e Republikës së Kosovës, përfshirë prona banesore, komerciale dhe bujqësore.
