Nga Lëvizja Vetëvendosje presin që nesër përveç konstituimit të Kuvendit të votohet edhe Qeveria Kurti 3.
Kështu është shprehur nënkryetari i kësaj partie, Glauk Konjufca.
“Nesër do të bëhet Kuvendi, dhe shumë shpresoj që do të bëhet Qeveria. Ne kurrë nuk i kemi refuzu aktgjykimet e Kushtetueses. Kanë qenë beteja politike, por kur i ka dhënë vulë Kushtetuesja ne jemi tërhequr”, ka thënë ai.
Presidentja Vjosa Osmani ka thirrur seancën konstituive të Kuvendit, për 11 shkurt në orën 12:00.
Ndërsa,sot nga ora 17:00 do të mbahet takimi i kryetarit të Kuvendit me krerët e partive politike.
