Korporata Energjetike e Kosovës ka njoftuar se njësia B1 e Termocentralit Kosova B është shkyçur nga operimi.
Kjo si pasojë e rrjedhjes së ujit që sipas njoftimit ka filluar nga ora 10:00 dhe vendimi për shkyçje është bërë për mundësi operimi dhe parandalimi të dëme më të mëdha.
“ (KEK Sh.A.) njofton opinionin publik se sot, gjatë ditës, në njësinë B1 të Termocentralit Kosova B janë evidentuar rrjedhje të konsiderueshme të avullit në sistemin e gypave brenda kaldajës, të paraqitura rreth orës 10:00. Pas vlerësimit teknik dhe për shkak të pamundësisë për të vazhduar operimin e sigurt, si rezultat i harxhimeve të larta të ujit dhe rrezikut për dëmtime më të mëdha teknike, është vendosur që njësia B1 të shkyçet nga operimi para orës 18:00, si masë parandaluese për ruajtjen e integritetit të njësisë”, thuhet nga KEK.
Sipas korporatës pavarësisht shkyçje së njësisë B1 furnizimi me energji elektrike është i sigurt.
“KEK Sh.A. informon se, edhe pas ndaljes së njësisë B1, furnizimi me energji elektrike është i siguruar, ndërsa operimi i sistemit vazhdon në mënyrë stabile me 4 njësi gjeneruese, duke realizuar prodhim ditor prej rreth 13,560 MËh, që mbulon 87.6% të kërkesës totale për konsum, e cila për ditën e nesërme nga KESCO është parashikuar 15,471 MËh”, thuhet nga KEK.
Të dielën, Korporata Energjetike e Kosovës (KEK) ka njoftuar se njësia A5 e Termocentralit “Kosova A” është rikthyer në operim, pas ndërhyrjeve teknike të realizuara ditë më parë. /teve1.info/
Pas një jave, KEK rikthen në operim njësinë A5 të Termocentralit “Kosova A”
