Trajneri nga Greqia, Michalis Kakiouzis më nuk është trajner i Sigal Prishtinës.
Klubi i Superligës së Kosovës në basketboll, të enjten ka njoftuar për largimin e grekut Kakiouzis.
Ai mori drejtimin e Prishtinës para fillimit të sezonit, por u largua për arsye familjare.
“Klubi ynë shpreh falënderimet më të sinqerta për trajnerin Michail Kakiouzis për kontributin, profesionalizmin dhe përkushtimin e treguar gjatë këtij sezoni, si dhe për bashkëpunimin korrekt dhe angazhimin e vazhdueshëm në punën me ekipin”, thuhet në njoftimin e klubit.
Klubi ka falënderuar trajnerin dhe i ka dëshiruar suksese në vazhdim të karrierës.
“Për arsye familjare, nga dita e sotme, trajneri Michail Kakiouzis nuk do të jetë më pjesë e klubit tonë”, shtoi Prishtina.
