Mjafton të krahasohet me kompjuterët që janë shumë më të vegjël se kjo konzolë, e shumë adhurues të PlayStation me padurim po presin prodhimin e modelit më të hollë, transmeton Telegrafi.
E nëse jeni i padurueshëm të prisni që të shfaqet zyrtarisht një model i tillë, youtuberi britanik DIY Perks ka zbuluar konzolën PlayStation 5 Slim, që është për dy centimetra më e hollë.
Konzola përdor sistemin për ftohje me ujë, që ftoh procesorin dhe VRM-në si dhe ftohjen për memoriet GDDR6. Të gjitha këto komponente ngrohen më pak gjatë punës sesa në konzolën origjinale të PlayStation 5.
DIY Perks e ka krijuar PlayStation 5 Slim, e gjatë procesit të punës nuk përdori pajisje të avancuara. /Telegrafi/
